Haitz malkartsuek, baso amaigabeek eta edonor ahozabalik uzteko moduko mendilerro eta mendi tontorrek eratzen dute Urkiolako Natur Parkearen paisaia.
01. Urkiolako Natur Parkea
01
Kondairaz eta magiaz betetako lekua
Basoetan animali basati anitz ezkutatzen dira: azeriak, basurdeak, sai arreak, orkatzak, katajinetak, azkonarrak, katazuriak, lepahoriak, lepazuriak… Ikusten zailak dira gehienetan, baina ibilbideetan barrera abenturatzen bazara, egin dezakezu topa hauetako batekin.
02
Urkiolako Santutegia
EAEko erdi-erdian kokatzen da Urkiolako Santutegia. Kristautasunaren aurretik ere leku sakratutzat zuten gure aitzindariek paraje hau, eta Santutegia noiz eraiki zen ezagutzen ez den arren, VIII-XI. mende bitartean eratu zela esaten da.
Atentzioa deitzen du Antonio Santuen Santutegiaren aurrean dagoen harriak. Inguruko biztanleek meteoritoa dela diote, baina burdin harria da. Ohitura zaharrak dio ezkongabeek haren inguruan bueltak emanez gero, senarra edo emaztea lortuko omen dute. Koplak ere horrela dio: “Aita San Antonio Urkiolakua, Aita San Antonio Urkiolakua, hamaika neska mutil uztartutakoa…”
03
Anboto Mendia
Urkiolako Natur Parkean aurkitzen diren mendi eta tontorren artetik aipatzekoa da Anboto, Durangaldeko mendirik garaiena eta aldi berean esanguratsuena. 1.331 metroko altura batekin, Urkiolatik, Atxartetik (Abadiño), Arrazolatik (Atxondo) eta Aramaiotik (Araba) igo daiteke Anbotora. Hauek dira mendi lerroa osatzen duten beste mendiak: Anboto, Alluitz, Astxiki, Untzillatx, Mugarra, Saibi, Urtemondo eta Pagozelai.
Hamaika kondaira ezagutzen dira Anbotoren inguruan. Bertan aurkitzen da Mariren Koba, euskaldunon jainkosaren bizilekutzat jotzen dena eta mendi batetik bestera suzko bola erraldo baten bihurtuta bidaiatzan du gauean.
Zer egin Urkiolako Natur Parkean?
Asko dira Urkiolako Natur Parkeak ematen dituen aukerak bere inguruez gozatzeko. Eskalada, espeleologia (Mañariko kobazuloetan), bisita gidatua eta hamaika ibilbide egin ahal dira Natur Parkean.
Toki Alai Interpretazio Zentroa
Ordutegia:
Apirila – Urria: 10:00 – 14:00 / 16:00 – 18:00
Azaroa – Martxoa: 10:30 – 14:30 / 15:30 – 17:30