Bizkaiko erdialdean kokatuta, historikoki garrantzia handiko mendia da Oiz, Bizkaiko batzarretarako deia egiten zen hemendik. Bere gailurra erraz ezberdintzen da Durangaldeko paisaian, eta tontorreko parke eolikoak Bizkaiko ikur bihurtu du.
10 ezinbestekoak
08. Oiz Mendia
01
Bizkaiko erdialdean
Kutsu mitologiko handia ere badauka Oizek, Anboto mendiarekin batera Mari jainkosaren bizileku baita.
02
Bizkaiko Balkoia
Izugarrizko ikuspegia aurkituko duzu Oiz mendiko tontorrera igo eta bertatik begiratuz gero. Alde batera Durangaldea eta bestera Lea-Artibaiko eskualdea dituzula, Kantauriko itsasoa ikusi ahalko duzu oskarbi dagoen egunetan.
03
Oiz historian
Historiaurrean oso atzera doa Oiz mendiaren historia. Trikuharri eta tumulo multzoak ageri dira bere maldetan, antzinaroan bertan abeltzaintzan jarduten zuten artzainen lekuko. Apurka-apurka beherantz egin zuten bertako bizilagunek, mendi magalean etxe multzoak eraikiz, Garaiko San Juan Momoitiokoak bezala.
Erdi Aroan Bizkaiko Batzar Nagusietarako deia egiten zen bost mendietako bat da Oiz. Tontorrean sua piztuz eta adarrarekin soinua ateraz egiten zen dei batzarretara.
Oizera igotzeko bideak Durangaldetik: Garaitik, Berriztik eta Mallabiatik.
