Mugarra mendia Durangaldean dago, Urkiolako Parke Naturalaren barruan. Aramotzeko mendiguneko hirugarren gailurrik altuena da (964 m), ipar-mendebaldetik hego-ekialderako norabidean doan mendilerroaren baitan.
Deskribapena
Kareharri grisezko menditzarra da. Hegoaldeko aurpegia, 300 metrotik gorako horma bertikal bat, Euskal Herriko hormarik ikusgarrienetakoa da; lehenengo begiratuan menderaezina dirudi eta bailara osoan gailentzen den ingerada zehazten du. Nolabait, eskalatzaileek asko maite duten mendia da, eta oso errespetatua.
Mugarra mendia hegazti harraparien habia-lekua ere bada, bereziki sai arre eta belatz handien kasuan. Hori dela eta, hegoaldeko horman eskalada murriztu ohi da sasoiaren arabera. Berau da harrapari hauek behatzeko Urkiolako Parke Naturaleko tokirik egokiena.
Mugarra mendiaren gailurra estua eta arrokatsua da, eta hegoaldera jaisten den hormaren eraginez, benetan gaudena baino garaiago gaudelako sentsazioa eragiten du. Mendi hau oso erraz bereizten da urrunetik ere: triangelu forma dauka, isolatua eta tinkoa ageri da eta hegoaldeko hormaren bertikalitateak bereizten du. Alluitz mendiaren aldean, esaterako, Mugarrara zuzenago igotzen da eta teknikoki errazagoa da, nahiz eta bisualki bestela dirudien. Untzillatxen aldean berriz, Mugarra tinkoagoa da, ibilbide argiagokoa eta gailur zehatzagoa dauka.
Halako mendi erakargarria izanik, tentazio handia da gailurretik ageri den ikuspegiaz gozatzea, eta horretarako, hainbat ibilbide aurkituko ditugu Mugarrara bakarrik igotzeko edo ibilbide berean beste mendi batzuetara iritsita, txango luzeagoak egiteko. Hona hemen batzuk:
Ibilbide erraz/ertaina
1. Mugarrara Mañariatik (ohiko ibilbidea)
Hauxe da ibilbiderik erabiliena eta ezagunena; pista eta bidezidor argiak ditu nahiz eta azken zatia nahiko arrokatsua izan. Ez dauka pauso teknikorik ez du igoera bortitzik. Oso egokia da Mugarrara lehenengo aldiz hurbiltzen direnentzat.
Hasiera: Mañaria
Distantzia: 8 km
Desnibela: 785 m
Denbora: 3 bat ordu
https://eu.wikiloc.com/ibilbide-senderismo/mugarra-964-m-ruta-clasica-desde-manaria-54400233
Ibilbide ertaina
2. Mugarra Katazkatik
Ibilbide hau zuzenagoa eta basatiagoa da. Katazkatik igotzen da, gailurrarekin bat egin arte, oso azkar igotzen den korridore naturaletik. Bidea malkartsuagoa da eta zenbait zatitan eskuak ere erabili behar dira. Bada tarte esturik ere.
Hasiera: Mañaria
Distantzia: 4,04 km
Desnibela: 523 m
Denbora: 3 ordu
https://eu.wikiloc.com/ibilbide-senderismo/mugarra-ascenso-por-el-barranco-kataska-151889503
Ibilbide zaila
3. Mugarra hegoaldetik
Ibilbide honetan gailurreko ertz osoa zeharkatuko dugu, eskuak erabiliz eta oso agerikoak diren igoerak ditu aldapa konprometituekin. Adituentzako ibilbidea da, airetiko pausoak ditu eta horma bertikalerako ikuspegi zuzena. Bide estua da eta kontzentrazio handiarekin egin beharrekoa
Hasiera: Mañaria
Distantzia: 7,36 km
Desnibela: 849 m
Denbora: 2 h 40 min
Wikiloc | Cresta integral del Mugarra Ibilbidea Mañaria, País Vasco (España)- GPS track
