10 ezinbestekoak
05. Arrazolako Bide Berdea
10 kilometro
Iraupena
2 ordu eta erdi
Zailtasuna
Erraza
01
Trenbidearen bidea
Durango eta Arrazola lotzen zituen trenbide zaharraren bidetik igarotzen da Arrazolako Bide Berdea.
Apatamonasterio auzoan hasi eta Tope edo Errotabarri bezala ezagutzen den tokiraino doa. Bidean Martzaa eta Xantixako auzoak igaroko ditugu eta bertoko harrizko baserriak eta soro ederrak ikusgai izango ditugu.
02
Ibilaldi lasaia
Familian egiteko ibilbide ezinhobea da Arrazolako Bide Berdea. Baserri-eremuz inguratuta, Alluitz, Larrano eta Anboto mendien izugarrizko presentziak guztiz liluratuko zaitu ibilbide osoan zehar.
Atsedenleku ugari daude bidean, baita umeen jolaslekuak, tabernak eta jatetxeak. Amaieran Tope antzinako mehategiaren gunea ikus dezakegu eta, Arrazolatik, Anbotorako igoera has dezakegu baita ere.
03
Bizkaiko baserririk zaharrena
Bizkaiko baserri zaharrenetarikoa ere aurkitu dezakezu bidean. 1509. urteko inskripzioa dauka fatxadan.
